Çində “ağıllı” elektrik avtomobilləri istehsal olunacaq
Çinin Baidu” və “Geely” şirkətləri “ağıllı” elektrik avtomobilləri istehsal edən şirkət yaratmaq barədə razılığa gəliblər.
3dnews.ru xəbər verir ki, “Geely” avtomobil istehsalını həyata keçirəcək, “Baidu” isə proqram təminatı və texnologiyaları hazırlayacaq.
“Baidu”nun açıqlamasına görə, yeni şirkət daha çox sərnişin nəqliyyat vasitələrinin istehsalına üstünlük verəcək.
“Baidu”nun rəhbəri Robin Li (Li Yanhonq) dünyanın ən böyük elektrik avtomobili bazarı olan Çində daha “ağıllı” məhsullara yaranan tələbatı qarşılamaq üçün bu irimiqyaslı layihəyə başladıqlarını bildirib.
Qeyd edək ki, ötən gün “Hyundai” ilə “Apple” arasında da bu ilin mart ayında elektrik avtomobil istehsalına dair müştərək müqavilə imzalamaq niyyəti açıqlanıb.