Çin alimləri yeni nəsil cərəyan keçirən mürəkkəb hazırlayıblar. Bu mürəkkəblər insan bədəni daxil olmaqla istənilən səthə elektron sxem çəkmək üçün istifadə oluna bilər.

4pda.ru saytının məlumatına görə, indiyədək mövcud olan bütün cərəyan keçirən mürəkkəb tipləri bir sıra çatışmazlıqlara malikdir.

Çinin Uhan Universitetinin alimlərinin təqdim etdiyi yeni cərəyan keçirən mürəkkəblərin əsas üstünlüyü onların universallığıdır. Şəkilli kağız vərəqini siqnal itkisi və sxem pozulması olmadan bükmək, mürəkkəbi isə 12 saat və daha çox saxlamaq olar. Tədqiqatçıların fikrincə, bir sıra təkmilləşdirmələrdən sonra mürəkkəb insan bədəninə də çəkilə bilər. Yeni məhsul toksik deyil, zərərli qaz ayırmır və qiyməti analoqlardan ucuzdur.