Azərbaycan Milli Elmlər Akademiyası (AMEA) Yüksək Texnologiyalar Parkının (YT Park) Koreyanın Elm və Texnologiya Siyasəti İnstitutu (STEPI) ilə birgə əməkdaşlığı çərçivəsində “Azərbaycanda texnologiya transferi və elmin kommersiyalaşdırılmasının təşviqi” layihəsi üzrə bacarıqların inkişaf etdirilməsi üzrə onlayn formatda seminar keçirilib. Seminarda AMEA-dan Bünyamin Seyidov, AMEA Yüksək Texnologiyalar Parkından İlahə Rzayeva və müstəqil məsləhətçi Vüsal Süleymanlı iştirak ediblər.

Onlayn tədbirdə Seul Universiteti və Gyeongbuk, Gyeonggi, Daejeon, Daegu texnoparklarını təmsil edən ekspertlərin məruzələri dinlənilib və dinləyiciləri maraqlandıran suallar cavablandırılıb.

Tədbirin sonunda YT Parkın ekspertləri tərəfindən STEPI-yə təqdim edilmiş layihə üzrə aralıq hesabatın ilkin variantı müzakirə edilib.