Çin “Google”un qurğusundan 10 milyard dəfə daha güclü kvant komputer təqdim edib
Çinli alimlər dünyada ən güclü kvant kompüteri təqdim ediblər. Tədqiqatçılar bildiriblər ki, yeni kvant kompüteri “Google”un analoji qurğusundan 10 milyard dəfə daha sürətlidir. O, mürəkkəb fiziki təcrübələr zamanı sürətləndirilmiş hesablamalar üçün istifadə olunacaq.
hightech.fm saytı xəbər verir ki, öz işi üçün işıq hissəciklərindən istifadə edən foton kvant kompüteri adi kompüter üçün əlçatmaz olan hesablamalar aparıb. Bu hadisə "kvant üstünlüyü" adlandırılır. Bundan əvvəl "kvant üstünlüyü"nə yalnız 2019-cu ildə “Google”un kvant kompüterində nail olunub. Lakin şirkətin qurğusu fotona deyil, yüksək keçirici materiallara əsaslanır.
Yeni kvant kompüteri 200 saniyə ərzində çox mürəkkəb hesablama apara bilər ki, bu da dünyanın ən sürətli ənənəvi kompüterində yarım milyard ilə bərabərdir.
“Jiuzhang” adlı yeni qurğu öz ətrafında fotonları hərəkət etdirən optik qurğuların mürəkkəb massivindən ibarətdir.